АНУ-ын цэргүүд Сириэс 60 цистерн газрын тос гаргажээ

АНУ-ын цэргүүд бямба гарагт /2022.04.09/ курдуудын хяналтад буй Сирийн зүүн хойд бүс нутгаас 60 гаруй цистерн газрын тос гаргасан тухай SANA агентлаг мэдээлжээ.

Шатахуун тээвэрлэгч автомашины цуваа хатуу хамгаалалтад дор “Эль Валид” хяналтын цэгээр дамжин Иракийн хилээр нэвтэрсэн байна.

Газрын тосыг АНУ-ын тэнгисийн явган цэрэг, “Ардчилсан Сирийн хүч”-ний курдуудтэй хамтран хянадаг Дейр-эз-Зор, Хасека муж дахь орд газраас олборлосон байна.

Гуравдугаар сарын 31-нд “Al Mayadeen” суваг АНУ тэргүүтэй өрнөдийн эвсэл Курдын өртөө засах захиргаанд өмнө нь ажиллаж байсан цооногуудаас газрын тос олборлоход нь туслалцаа үзүүлж байгаа тухай мэдээлж байжээ. Газрын тосны борлуулалтаас олсон орлогын нэг хэсгийг тус бүс нутгийн хүмүүнлэгийн нөхцөл байдлыг сайжруулахад зарцуулж байна.

Энэ сарын 8-нд Америкийн командлал Иракаас Сирийн зүүн хойд бүсэд байрлаж буй цэргийн объектуудаа зэвсэг зэргийг шилжүүлжээ. 2015 оноос хойш “Ардчилсан Сирийн хүч”-ийг дэмждэг АНУ Дейр-эз-Зор, Хасека мужид есөн цэргийн бааз байгуулаад байна. Дамаск АНУ-ын энэхүү цэргийн оролцоог Сирийн ард түмний эзэмшдэг байгалийн баялгийг тонон дээрэмдсэн хууль бус эзэрхийлэл гэж үзэж байна.