ЭЕШ-ийн бүртгэл дөрөв хоногийн дараа дуусна

Элсэлтийн ерөнхий шалгалт энэ сарын 25-нд буюу дөрөв хоногийн дараа дуусна. 

Бүртгэл хаагдсан тохиолдолд нэмэлтээр бүртгэхгүй бөгөөд шалгалт өгөх хичээлийг нэмэлтээр сонгох боломжгүй юм. 

Тиймээс шалгалт өгөх сурагчид дурдсан хугацаанд eyesh.eec.mn цахим хуудсаар дамжуулан бүртгүүлэх шаардлагатайг Боловсролын үнэлгээний төвөөс анхаарууллаа.

Хэрэв шалгуулагч та бүртгэлийн дугаар, нууц үгээ авсан хэдий ч шалгалт өгөх хичээлээ сонгоогүй байгаа бол бүртгэлийн хугацаанд хичээл сонголтоо хийж, төлбөр төлснөөр бүртгэл баталгаажих юм.