Азийн АШТ: Казахстаны медальтнууд мөнгөн шагналаа авлаа

Энэ сарын 19-24-нд Улаанбаатарт Азийн аварга шалгаруулах сонгомол барилдаан, эрэгтэй, эмэгтэй чөлөөт бөхийн тэмцээн явагдсан билээ. Тус тэмцээнд оролцсон Казахстаны шигшээ баг эх орондоо медалийн богц дүүрэн харьсан.

Казахстаны бөхчүүд 5 алт, 8 мөнгө, 8 хүрэл, нийт 21 медаль хүртсэн. Казахстаны Засгийн газрын тогтоол ёсоор Азийн аваргын алтан медаль авсан тамирчин 2300 ам.доллар, мөнгөн медаль 1400, хүрэл медаль 900 ам.доллар авсан байна. Дасгалжуулагч нарт мөн тусдаа мөнгөн шагнал олгожээ.

Улаанбаатарын Азийн аваргын дараа тамирчин, дасгалжуулагч нар нийт 59800 ам.долларын шагнал авлаа.