Чөлөөт бөх: Дэлхийн холбоо дөрөвдүгээр сарын шилдгүүдээ нэрлэлээ

Дэлхийн бөхийн нэгдсэн холбооноос дөрөвдүгээр сарын шилдгүүдээ тодрууллаа.

Эрэгтэй чөлөөт бөхөд Энэтхэгийн Рави Кумар, эмэгтэй чөлөөт Японы Акари Фүжинами, сонгомол барилдааны шилдгээр Данийн чечень бөх Турпал-Али Бисултанов нар шалгарсан байна.

Хоёр нь өнгөрсөн долоо хоногт манай нийслэлд болсон Азийн АШТ-ий аваргууд юм.
 

Рави Кумар (57 кг) гурван барилдааныхаа хоёрит нь цэвэр ялж, Энэтхэгийн анхны Азийн гурван удаагийн аварга бөх болсон.

Акари Фүжинами (53 кг) бүх барилдаандаа цэвэр ялахдаа нэг ч оноо алдаагүй.

Будапештэд болсон сонгомол барилдааны Европын АШТ-ий аварга Турпал-Али Бисултанов (87 кг) ч мөн адил оноо алдалгүй түрүүлсэн юм.