М.Лхагвагэрэлийг Таха Акгуль хамтарсан бэлтгэлд урьжээ

"Осло-2021" ДАШТ-ий хүрэл медальт Мөнхтөрийн Лхагвагэрэл өөрийн дасгалжуулагч Б.Баттулгын хамт ойрын үед Истанбулыг зорих гэж байна.

Тэднийг олимп, дэлхийн аварга, Европын 9 удаагийн аварга Таха Акгулы бэлтгэлд урьсан нь энэ бөгөөд хүнд жингийн Лхагваа-Таха нар ойрмогхон хоёр ч удаа хүч үзээд байгаа билээ.

Анх Токио-2020 олимпын хүрэл медалийн төлөө тэд халз тулж, улмаар энэ оны хоёрдугаар сард болсон Яшар Догугийн финалд дахин таарсан юм. Одоогоор хоорондын барилдааны харьцаагаар Тахагийн давуутай байгаа ч өсч яваа өрсөлдөгчтэйгээ ойрхон нөхөрлөж, тогтмол мессеж бичилцдэг ажээ.

Монголын чөлөөт бөхийн холбоо