Чөлөөт бөх: М.Лхагвагэрэлийн барилдааныг МАТЧ ТВ шууд дамжуулна

ОХУ-ын мэргэжлийн бөхийн лигийн анхны тэмцээн Москва хотод явагдаж байна. Эрэгтэй чөлөөт бөхийн төрөлд ОХУ, Монгол, Беларусь, Казахстаны 138 бөх өрсөлдөж, өчигдөр /2022.05.19/ урьдчилсан болон хүрэл медалийн төлөөх барилдаанууд болж өнгөрлөө.

Манай Т.Тулга (65 кг), М.Лхагвагэрэл (125 кг), эмэгтэй 53 кг-ын Б.Болортуяа, 68 кг-ын З.Болортунгалаг, 76 кг-д Г.Ариунжаргал нар өнөөдөр алтан медалийн төлөө барилдана. 17:00 цагаас грэпплинг, 20:00 цагаас панкратион, 00:00 цагаас сонгомол, чөлөөт бөхийн финалын барилдаанууд эхлэх болно. ОХУ-ын Спорт бөхийн холбооны сайт финалын барилдаануудыг дамжуулан үзүүлэх бол нээлтийн ёслолын дараа 03:00 цагаас "Матч ТВ" телевизээр 11 барилдааныг сонгон, шууд дамжуулах болно. Эмэгтэй нэг, эрэгтэй чөлөөт, сонгомол барилдааны финалын тус бүр таван барилдаан үүнд хамрагдаж байна. Энэ 11 барилдаанд гарах 22 бөхийн ес нь олимпын медальтан байгаа юм.

1. Эмэгтэй. 57 кг. Ирина Курочкина (Беларусь) — Вероника Чумикова

2. Эрэгтэй. 61 кг. Башир Магомедов — Абасгаджи Магомедов

3. Сонгомол. 72 кг. Сергей Кутузов — Азат Садыков (Казахстан)

4. Сонгомол. 97 кг. Александр Головин — Никита Мельников

5. Эрэгтэй. 125 кг. М.Лхагвагэрэл (Монгол) — Зелимхан Хизриев

6. Эрэгтэй. 79 кг. Радик Валиев — Магомедхабиб Кадимагомедов (Беларусь)

7. Сонгомол. 60 кг. Сергей Емелин — Динислам Бамматов

8. Сонгомол. 130 кг. Сергей Семенов — Михаил Лаптев

9. Эрэгтэй. 86 кг. Даурен Куруглиев — Артур Найфонов

10. Эрэгтэй. 74 кг. Заурбек Сидаков — Давид Баев

11. Сонгомол. 77 кг. Роман Власов — Адлет Тюлюбаев