“Траст трейд”-ийн лифтэнд хүн хавчуулагдаж, эмнэлэгт хүргэгджээ

Өчигдөр буюу тавдугаар сарын 20-ны өдөр цахилгаан шатанд хүн хавчуулагдаж, эмнэлэгт хүргэгджээ.

Тодруулбал, нийслэлийн Баянзүрх дүүргийн 2 дугаар хороо, “Траст трейд” компанийн ачааны цахилгаан шатны хаалганд нэг хүн хавчуулагдсан тухай дуудлага онцгой байдлын газарт иржээ.

Улмаар Нийслэлийн Аврах ангийн алба хаагчид очиход, тус байгууллагын ажилтан 25 настай, эмэгтэй Э ачааны цахилгаан шатны хаалга болон нэгдүгээр давхрын тавцангийн хооронд зүүн хөлөөрөө хавчуулагдсан байсныг эсэн мэнд гаргажээ. Эмэгтэйг Гэмтэл согог судлалын үндэсний төвд тээвэрлэн хүргэж, жижүүр эмчид хүлээлгэн өгсөн гэж Онцгой байдлын ерөнхий газраас мэдээллээ.