Казахстаны холимог тулаанч Дикий Арманыг өмөөрлөө

2022 оны 06 сарын 17

Холимог тулааны UFC холбооны казах тулаанч Жалгас Жумагулов (14-7) нэгдүгээр сард болсон үймээний үеэр баривчлагдсан Дикий Арман хочит Арман Жумагельдиевийн талаар үзэл бодлоо илэрхийллээ.

Жалгас Жумагулов Дикий Арманы зургийг олон нийтийн сүлжээнд оруулж, Казахстаны далбаатай эможигоор чимээд “Ард түмнийхээ хүндэт хүү. Би ахыгаа зөвхөн сайн талаас нь л мэднэ. Арман бол эх оронч хүн. Эх орондоо хайртай” гэж бичжээ.

Дикий Арманыг нэгдүгээр сард болсон үймээний үеэр хүн хулгайлсан, олон түмнийг турхирсан, зөвшөөрөлгүй галт зэвсэгтэй явсан зэрэг олон хэрэгт буруутган, баривчилсан. Нэг сарын хугацаатай баривчилсан ч саяхан Шүүхээс хорих хугацааг нь наймдугаар сарын 7 болгон сунгасан юм.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top