Комүсүби асан Шёохозан зодог тайллаа

Японы сүмо бөхийн холбооноос Ханарэгома дэвжээний бөх, комүсүби асан Шёохозан зодог тайллаа гэж зарлалаа.

Энэ жил 38 настай Шёохозан өнгөрсөн Зуны тэмцээнд жюүрёо зиндааны зүүний 12-оос барилдан, 3 давж, 12 унасан. Ирэх Нагоя башёд макүшитад унах нь тодорхой болсон тул ийнхүү зодог тайлжээ.

Энэ сарын 28-нд хэвлэлийн бага хурал хийлгэх гэнэ.

Шёохозан – 2006 оны Хаврын тэмцээнээс анх барилдсан. 2010 онд жюүрёо, 2011 онд макүүчи зиндаанд дэвшсэн. 2013 оны нэгдүгээр сард комүсүби цол хүртэж байв.