Жүдо: "Их Дуулга" тэмцээний 66 кг-ын жингийн оноолт

Энэ сарын 24-26-нд Улаанбаатар хотын "Мөсөн ордон"-д жүдо бөхийн Их Дуулга тэмцээн зохион байгуулагдана.

Эрэгтэй 66 кг-ын жинд нийт 23 жүдоч оролцохоор мэдүүлгээ өгчээ.

А хэсгийг дэлхийн чансааг тэргүүлэгч Молдавын Денис Вьеру тэргүүлэн барилдах бөгөөд Өсвөр үеийн ДАШТ-ий хүрэл медальт Б.Нармандах манай Б.Нармандах түүнтэй хэсгийн аваргын төлөө өрсөлдөх магадлалтай. Үүний тулд тэр эхлээд Казахстаны Гусман Кыргызбаевыг ялах ёстой.

В хэсэгт Узбекистаны Сардор Нуррилаев, ДАШТ-ий хүрэл медальт Израйлын Таль Фликер нар оржээ. Г.Сод-Эрдэнэ Туркменистаны Агамаммедовтой таарсан. Ялахад узбек бөхийн аманд очно. ОХУ-ын Яго Абулазе энд барилдана.

С хэсгийг ДАШТ-ий хүрэл медальт Ёндонпэрэнлэйн Басхүү тэргүүлсэн. Гол өрсөлдөгч нь Францын Валид Хяр. Гэхдээ Казахстаны алдарт жүдоч Елдос Сметов байгааг мартаж болохгүй.

D хэсэгт Оюутны Универсиад наадмын мөнгөн медальт Б.Эрхэмбаяр Финландын Сахатай таарсан. Энэ хэсэгт Израйлын Барух Шмайлов, ОХУ-ын Мурад Чопанов нар байгаа.