Жүдо: Л.Энхрийлэн аваргын төлөө ОХУ-ын Курбонмамадоватай барилдана

Энэ сарын 24-26-нд Улаанбаатар хотын Мөсөн Ордонд жүдо бөхийн Их Дуулга тэмцээн зохион байгуулагдаж байна. Тэмцээний эхний өдөр уламжлал ёсоор эмэгтэй хөнгөн жингийн аваргууд тодорно.

Эмэгтэй 57 кг-ын жинд ОУХМ Лхагватогоогийн Энхрийлэн аваргын В хэсгийг тэргүүлэн барилдаж, эхний тойрогтоо Их Британы Леле Найрнег, хэсгийн аваргын төлөө Чехийн Земановаг ялаад хагас шигшээд Израйлын Тимна Нельсон Левайг торгуулиар ялж, аваргын төлөө ОХУ-ын Курбонмамадоватай барилдах боллоо.

ОУХМ Мөнхцэдэвийн Ичинхорлоо Солонгосын бөхийг ялаад дараа нь Израйлын Тимна Нельсон Левид ялагдсан. Дагах барилдаанд Чехийн Земановаг ялаад Германы Паулин Старкетэй хүрэл медалийн төлөө хүч үзэх болсон.