Киргиз Улсын төлөөлөгчид компанийн үйл ажиллагаатай танилцлаа

Өчигдөр /2022.06.23/ Бүгд Найрамдах Киргиз Улсын Сангийн дэд сайд Жибек Дуйшеева тэргүүтэй, Эдийн засаг, Худалдааны яам, тус улсын Төв банк болон банк санхүүгийн төлөөлөгчид Монгол Улсын орон сууц санхүүжилтийн тогтолцоо, ипотекийн зээлийн системийн талаар туршлага солилцох зорилгоор “Монголын Ипотекийн Корпораци” ОССК ХХК-нд зочиллоо. Төлөөлөгчдийг компанийн Гүйцэтгэх захирал Б.Гантулга хүлээн авч манай улсад хэрэгжиж буй хөнгөлөлттэй хүүтэй орон сууцны ипотекийн зээлийн хөтөлбөр, үнэт цаасжуулах үйл ажиллагаа болон компанийн тухай танилцуулж, туршлага солилцлоо.