ИХ ДУУЛГА: Манай бөхчүүд 81 кг-д медалийн төлөө шалгарч чадсангүй

2022 оны 06 сарын 25

"Парис-2024" зуны олимпын наадмын чансааны оноо олгох “Улаанбаатар Их Дуулга-2022” тэмцээн энэ сарын 24-26-нд нийслэлийн "Мөсөн өргөө"-нд явагдаж байна.

Тэмцээний хоёр дахь өдөр дунд жингийн аваргууд тодорно.

Эрэгтэй 81 кг-д хамгийн олон буюу 30 жүдоч барилдлаа.

2021 оны улсын аварга, Парисын Их дуулгын хүрэл медальт Гэрэлтуяагийн Болор-Очир Словакийн Бартог ялаад Казахстаны Жубаназарт уналаа.

Залуучуудын улсын аварга Батзаяагийн Эрдэнэбаяр Италийн Леанрдог ялсан ч дараагийн тойрогт Японы олимпын аварга Нагасэд уналаа.

Баттулгын Мөрренцэн Францын Николас Чилардад өвдөг шороодлоо.

Төмөрсанаагийн Ренчиндорж ДАШТ-ий хүрэл медальт Нидерландын Фрэнк Де Витэд ялагдсан байна.

Энэ жинд Токио-2022 олимпын хүрэл медальт Австрийн Шамил Борчашвили, ОХУ-ын Алан Хубецов, ДАШТ-ий хүрэл медальт Нидерландын Фрэнк Де Вит, Өмнөд Солонгосын Ли Жүн нар хагас шигшээд шалгараад байна. Дэлхийн аварга Израйлын Саги Муки, олимп, дэлхийн аварга Японы Таканори Нагасе нар өвдөг шороодсон.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зоч(192.82.74.49) 2022 оны 06 сарын 27

Болор-Очирт: хамгийн сайн хамгаалалт бол давшиж барилдах

1  |  0
Top