Цогтоо “Орос” Эркагийн тажик шавьд ялагдлаа

Автор | Zindaa.mn
2022 оны 06 сарын 26

"Парис-2024" зуны олимпын наадмын чансааны оноо олгох “Улаанбаатар Их Дуулга-2022” тэмцээн энэ сарын 24-26-нд нийслэлийн "Мөсөн өргөө"-нд явагдаж байна.

Токиогийн олимпын хүрэл медальт, ОУХМ Ц.Цогтбаатар "Улаанбаатар Их дуулга"-ын 73 кг-ын жинд мөнгөн медаль хүртлээ.

Ц.Цогтбаатар “Улаанбаатар Их дуулга-2022”-ын 73 кг-ын жингийн алтан медалийн төлөөх барилдаанд IJF-ийн нэр дээр орж буй ОХУ-ын тамирчин Махмадбек Махмадбековт вазаригаар ялагдсан юм.

Махмедбек Махмедбеков. Тажикстан гаралтай, ОХУ-ын шинэ од гэгдэж буй залуу тамирчин. Ах нь Тажикстаны шигшээ багийн Сомон Махмадбеков. Махмедбек 2021 онд Казань, Баку ИХ Дуулгад түрүүлсэн. Өсвөр, залуучуудын маш олон тэмцээнд тэргүүлж байжээ.

Мөн хамгийн сонирхолтой нь Махмедбекийн багш нь манай жүдогийн нэрт мэргэжилтэн “Орос” Эрка юм. Одоо ОХУ-д ажиллаж байгаа Эркагийн нэгэн шавь ийнхүү ОХУ-ын шигшээ багт гялалзаж байна.

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Д.Бэхээ (202.9.41.136)  2022 оны 06 сарын 28

Цогтоо маань бэртэл гэмтэл тамирчдад маань байдаг тиймээс бас ч гайгүй сайн барилдсан ясны бөхийн шийрийг харуулсан гэмтэл нь бүрэн илааршаад дэлхийн аваргаараа том амжилт үзүүлэхийг чин сэтгэлээсээ хүснэ чиний үнэнч хөгжөөн дэмжигч

0  |  0
Ш. Сэржхүү (66.181.160.27)  2022 оны 06 сарын 28

Энэ тэмцээнд манайхаас хамгийн муу барилдсан хүмүүс бол 63 кг-д барилдсан бүсгүүчүүд байлаа. Шигшээгийн тамирчин Б. Ганхайч дэндүү урагшгүй байна

1  |  0
Top