“Monnis Mongolia International Challenge-2022” тэмцээний нээлт болов

2022 оны 08 сарын 18

Монголын бадминтон сонирхогчдын холбооноос зохион байгуулж буй “Monnis Mongolia International Challenge-2022” тэмцээний нээлт өчигдөр Спортын төв ордонд боллоо.

Нээлтийн ёслолд ОУОХ-ны гишүүн, МҮОХ-ны Ерөнхийлөгч, Монголын бадминтон сонирхогчдын холбооны Ерөнхийлөгч Б.Баттүшиг, МҮОХ-ны Тэргүүн дэд ерөнхийлөгч Ч.Наранбаатар, БТСУХ-ны дарга Д.Жаргалсайхан, тэмцээний ивээн тэтгэгч “Майнс Ап” ХХК-ийн гүйцэтгэх захирал С.Цэрэннадмид тэргүүтэй албаны хүмүүс оролцов.

МҮОХ-ны Ерөнхийлөгч Б.Баттүшиг тэмцээнийг нээж хэлсэн үгэндээ бадминтоноор хичээллэгчдийн цар хүрээ жил ирэх тусам өргөжин тэлж буйг онцлоод цаашид бадминтоны төрлөөр Парисын олимпын эрх авахын төлөө шаргуу хөдөлмөрлөх болно гэв.

Тус тэмцээнд 15 орны 172 тамирчин эрэгтэй, эмэгтэй ганцаарчилсан, эрэгтэй, эмэгтэй хос, холимог хос гэсэн таван төрөлд өрсөлдөж байна.

Тэмцээний эхний өдөр урьдчилсан шатны тоглолтууд явагдсан бол өнөөдрөөс үндсэн тоглолтууд эхэлж байна. Тэмцээн 21-ний ням гарагт өндөрлөнө.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зочин(64.119.21.188) 2022 оны 08 сарын 18

За мэдэхгуй ийм хэнч сонирхдоггуй юмны тэмцээн з/б-ж менге урэх хэрэг байдаг юм байх даа, дээр уед агаарын теннис гэж хуухэд шуухад гадаа тоглодог байсан л эд ш дээ

0  |  0
Top