Сайд нь ТОМ уу Сумьяа нь ТОМ уу

Үндсэн хуулийн цэцийн буянаар МАН-ынхан албан тушаалын салхи сэвэлзүүлж, Л.Оюун-Эрдэнийн Засгийн газар будаг нь ханхалсан арван сайдаар цус сэлбэв.  

Албан тушаалын тохиролцоо энэ долоо хоногоос намжиж эрх мэдлийн толхилцоо ирэх долоо хоногоос эхлэх нь. Учир нь Засгийн газар Нийслэлийн асуудал эрхэлсэн сайд гэх нэгэн ойлгомжгүй орон тоог оруулж ирлээ. Ойлгомжгүй гэж байгаагийн учир нь нийслэлийн асуудал эрхэлсэн яам байгуулахгүй, ажлын албаны цомхон бүтцээр Ж.Сүхбаатар сайд ажиллах аж. Тэр бүү хэл түүнд энэ онд төсөв ч байхгүй.  

Эрх мэдлийн бялуу хуваарилах үеэр Д.Сумъяабазар Нийслэлийн асуудал эрхэлсэн сайдын албан тушаалыг Засаг даргатай хавсран хийх санал тавьсан гэдэг. Гэвч сайдын суудлыг Ж.Сүхбаатарт өгсөн юм. Ингээд сайдын эрх мэдлээ ашиглан Д.Сумъабазарт үүрэг өгч болох ч Д.Сумъяабазар хүний үгээр асуудлаа шийдэх нь юу л бол. Их тэнгэрт болдог ихэс дээдсийн шоуны үеэр одоогийн Ерөнхийлөгч тухайн үеийн намын даргаа нульж явсан шазруун нөхрийг шинэхэн сайд чиглүүлээд явах нь юу л бол.

Энэ үеэс сайд нь том уу Сумьяа нь том уу гэсэн инээдтэй эмгэнэлтэй асуулт урган гарч байна.