Чөлөөт бөх: Э.Тэмүүлэн эхний тойрогт яллаа

Гэрэл зургийг Д.Нямбилэг

Сербийн нийслэл Белград хотод сонгомол барилдаан, чөлөөт бөхийн ДАШТ үргэлжилж байна. Тэмцээн энэ сарын 18-ныг хүртэл үргэлжлэх юм.

Өнөөдрөөс эрчүүдийн тулаан эхэллээ. Эрэгтэй 70, 79, 86, 125 кг-ын жинд урьдчилсан барилдаанууд явагдлаа.

Эрэгтэй 70 кг-д Э.Тэмүүлэн эхний барилдаанаа Азербайжаны Жошган Азимовтой хийж, 3:3, сүүлийн оноогоор ялалт байгууллаа. Дараагийн өрсөлдөгч нь 2017 оны дэлхийн аварга Гүржийн Зураб Якобишвили.