Чөлөөт бөх: Э.Тэмүүлэн Гүржийн бөхөд ялагдлаа

Гэрэл зургийг Д.Нямбилэг

Сербийн нийслэл Белград хотод сонгомол барилдаан, чөлөөт бөхийн ДАШТ үргэлжилж байна. Тэмцээн энэ сарын 18-ныг хүртэл үргэлжлэх юм.

Өнөөдрөөс эрчүүдийн тулаан эхэллээ. Эрэгтэй 70, 79, 86, 125 кг-ын жинд урьдчилсан барилдаанууд явагдлаа.

Эрэгтэй 70 кг-д Э.Тэмүүлэн эхний барилдаанаа Азербайжаны Жошган Азимовтой хийж, 3:3, сүүлийн оноогоор ялалт байгууллаа. Дараагийн өрсөлдөгч нь 2017 оны дэлхийн аварга Гүржийн Зураб Якобишвили байв. Хоёр бөх эн тэнцүүхэн өрсөлдөж, гүрж бөх 2:1 ялалт байгууллаа.

Э.Тэмүүлэн торгуулиар алдсан нэг оноогоо нөхөх гэж дайрсан ч амжсангүй, цаг дууслаа.