Чөлөөт ДАШТ: 74 кг-ын жинд хэн түрүүлэх вэ?

Сербийн нийслэл Белград хотод сонгомол барилдаан, чөлөөт бөхийн ДАШТ явагдаж байна. Өнөөдөр эрэгтэй 57, 74, 92 кг-ын жингийн барилдаантай.

Шинжээчид энэ жинд түрүүлэх магадлалтай бөхөөр дараах бөхчүүдийг нэрлэжээ.

Кайл Дейк (АНУ) – Токио олимпын хүрэл медальт, дэлхийн 3 удаагийн аварга (Будапешт-2018, Нур-Султан-2019, Осло-2021).

Таймураз Салказанов (Словак) – ДАШТ-ий мөнгөн медальт (Осло-2021), ДАШТ-ий хүрэл медальт (Нур-Султан-2019), Европын хошой аварга (Варшав-2021, Будапешт-2022).

Франк Чамизо (Итали) – Рио олимпын хүрэл медальт, дэлхийн хошой аварга (Лас-Вегас-2015, Парис-2017), ДАШТ-ий мөнгөн медальт (Нур-Султан-2019), ДАШТ-ий хүрэл медальт (Москва-2010), Европын 4 удаагийн аварга (2016, 2017, 2019, 2020).

Хетик Цаболов (Серби) – дэлхийн аварга (Ташкент-2014), ДАШТ-ий мөнгөн медальт (Парис-2017).

Сонер Демирташ (Турк) – Риогийн олимпын хүрэл медальт, ДАШТ-ий хүрэл медальт (Парис-2017),  Европын 3 удаагийн аварга (Рига-2016, Нови-Сад-2017, Каспийск-2018), Европын наадмын хос мөнгөн медальт (Баку-2015, Минск-2019).

Гол хүн нь мэдээж Кайл Дейк. Дэлхийн гурван цомынхоо хоёрыг нь тэр 79 кг-д авсан. Токио олимпын өмнө жингээ сольсон тэрээр Жордан Барроузыг шахан гаргасан. Тэр үеэс хойш Кайл Токио олимпод л нэг ялагдсан. Беларусын дагестан бөх Магомедхабиб Кадимагомедов (11:0) ялсан юм. Энэ жил Панамерикийн аварга болоод байгаа. Дээрх тааврыг будилуулах бөхчүүдэд Ираны Юнес Эмами, Казахстаны Нуркоже Кайпанов, азербайжан залуу Туран Байрамов, гүрж бөх Георгий Сулава нарыг нэрлэж байна. Тэд түрүүлэх боломж бага ч медаль хүртэх боломжтой.

Манайхаас Олонбаярын Сүлдхүү (Алдар) зодоглоно. Эхний тойрогт Канадын Jean David STE MARIE-тэй барилдана. Давахад Кайл Дейктэй таарах юм.

UWW чансаа

1. Кайл Дейк (АНУ) – 92200; 2. Таймураз Салказанов (Словак) - 71000; 3. Заурбек Сидаков (ОХУ) - 51000; 4. Фазли Ерылмаз (Турк) – 49400; 5. Реда Рамадан (Египет) - 42400; 6. Магомедхабиб Кадимагомедов (Беларусь) - 41400; 7. Франк Чамизо (Итали) – 36000; 8. Туран Байрамов (Азербайжан) - 35900; 9. Бекзод Абдурахмонов (Узбекистан) - 34200; 10. Автандил Кенчадзе (Гүрж) – 31200.

74 кг-ын жингийн сүүлийн 10 ДАШТ, олимп

ДАШТ-2021. Осло. 1. Кайл Дейк (АНУ); 2. Таймураз Салказанов (Словак); 3. Фазил Ерылмаз (Турк); 3. Тимур Бижоев (ОХУ); 5. Автандил Кенчадзе (Гүрж); 5. Азамат Нуриков (Беларусь); 7. Хетик Цаболов (Серби); 8. Юнес Эмами (Иран); 9. Алипаша Умарпашаев (Болгар); 10. Джошгун Азимов (Азербайжан).

Олимп-2020. Токио. 1. Заурбек Сидаков (ОХУ); 2. Магомедхабиб Кадимагомедов (Беларусь); 3. Кайл Дейк (АНУ), Бекзод Абдурахмонов (Узбекистан); 5. Франк Чамизо (Итали); 5. Данияр Кайсанов (Казахстан); 7. Амр Реда Хусен (Египет); 8. Туран Байрамов (Азербайжан); 9. Жеандро Гарсон Кабальеро (Куба); 10. Василий Михайлов (Украин).

ДАШТ-2019. Нур-Султан. 1. Заурбек Сидаков (ОХУ); 2. Франк Чамизо (Итали); 3. Жордан Барроуз (АНУ); 3. Зелимхан Хажиев (Франц); 5. Мао Окуи (Япон); 5. Данияр Кайсанов (Казахстан); 7. Камил Рыбицки (Польш); 8. Хаджимурад Гаджиев (Азербайжан); 9. Мурад Курамагомедов (Унгар); 10. Сенг Чул Ли (БНСУ).

ДАШТ-2018. Будапешт. 1. Заурбек Сидаков (ОХУ); 2. Автандил Кенчадзе (Гүрж); 3. Жордан Барроуз (АНУ); 3. Бекзод Абдурахмонов (Узбекистан); 5. Сонер Демирташ (Турк); 5. Франк Чамизо (Итали); 7. Болат Сакаев (Казахстан); 8. Абубакр Абакаров (Азербайжан); 9. Анджей Сокальски (Польш); 10. Азамат Нуриков (Беларусь).

ДАШТ-2017. Парис. 1. Жордан Барроуз (АНУ); 2. Хетаг Цаболов (ОХУ); Али Шабанов (Беларусь); 3. Сонер Демирташ (Турк); 5. Жабраил Гасанов (Азербайжан); 5. Бекзод Абдурахмонов (Узбекистан); 7. Ливан Лопез Азкуй (Куба); 8. Сосуке Такатани (Япон); 9. Зелимхан Хаджиев (Франц); 10. Ханох Рахамим (Израиль)

Олимп-2016. Рио-де-Жанейро. 1. Хасан Яздани (Иран); 2. Аниуар Гедуев (ОХУ); 3. Жабраил Гасанов (Азербайжан); 3. Сонер Демирташ (Турк); 5. Бекзод Абдурахмонов (Узбекистан); 5. Галымжан Уссербаев (Казахстан); 7. Сошуке Такатани (Япон); 8. Зелимхан Хаджиев (Франц); 9. Жордан Барроуз (АНУ); 10. Ливан Лопез (Куба).

ДАШТ-2015. Лас-Вегас. 1. Жордан Барроуз (АНУ); 2. П.Өнөрбат (Монгол); 3. Нарсингх Ядав (Энэтхэг); 3. Аниуар Гедуев (ОХУ); 5. Зелимхан Хажиев (Франц); 5. Алиреза Гасеми (Иран); 7. Ливан Лопез (Куба); 8. Михал Нэги (Унгар); 9. Жумбер Квелашвили (Гүрж); 10. Рашид Курбанов (Узбекистан).

ДАШТ-2014. Ташкент. 1. Денис Царгуш (ОХУ); 2. Сошуке Такатани (Япон); 3. Жордан Барроуз (АНУ); 3. Ливан Лопез (Куба); 5. Рустам Дудаев (Украин); 5. Жумбер Квелашвили (Гүрж); 7. Рашид Курбанов (Узбекистан); 8. Ашраф Алиев (Азербайжан); 9. Кристиан Брзозовски (Польш); 10. Заур Эфендиев (Серби).

ДАШТ-2013. Будапешт. 1. Жордан Барроуз (АНУ); 2. Эззатоллах Aкбари (Иран); 3. Али Шабанов (Беларусь); 3. Рашид Курбанов (Узбекистан); 5. Нарасингх Ядав (Энэтхэг);  5. Якоб Макарашвили  (Гүрж); 7. Сошуке Такатани (Япон); 8. Жабраил Гасанов (Азербайжан); 9. Григор Григорян (Армен); 10. Юниерис Бланко Мора (Куба).

Олимп-2012. Лондон. 1. Жордан Барроуз (АНУ); 2. Садех Гударзи (Иран);  3. Габор Хатош (Унгар); 3. Денис Царгуш (ОХУ); 5. Мэтт Джентри (Канад); 7. Давид Хуцишвили (Гүрж); 8. Аугусто Мидана  (Гвинея-Бисау); 9. Ашраф Алиев (Азербайжан); 10. Абдулхаким Шапиев (Казахстан).