Чөлөөт ДАШТ: О.Сүлдхүү дагах барилдаанд ялагдлаа

Гэрэл зургийг Д.Нямбилэг

Сербийн нийслэл Белград хотод сонгомол барилдаан, чөлөөт бөхийн ДАШТ явагдаж байна. Өчигдөр эрэгтэй 57, 74, 92 кг-ын жингийн барилдаанууд болсон. Өнөөдөр медалийн төлөө барилдах бөхчүүдийн нэрс тодорч байна.

Эрэгтэй 74 кг-д 74 кг: Олонбаярын Сүлдхүү (Алдар) барилдсан.

1/16 финалд Микронезийн Jean David STE MARIE-г 10:0 оноогоор цэвэр ялсан.

Дараа нь Токио олимпын хүрэл медальт, дэлхийн 3 удаагийн аварга, АНУ-ын Кайл Дэйктэй тулж, 2:12 ялагдсан. Америк бөх финалд шалгарсан тул дагах барилдаан хийх эрхтэй болсон.

Дагах эхний барилдаанд Азийн гурван хүрэлтэй Киргизийн Исламбек Орозбековыг 6:5 яллаа.

Дараа нь Энэтхэгийн Сагар Жаглантай дагах барилдаан хийж, 3:7 ялагдсанаар тэмцээнээ дуусгалаа.

ФИНАЛ

Kyle Douglas DAKE (USA) - Теймураз Салказанов (SVK)