Чөлөөт ДАШТ: Ц.Цогбадрах шөвгийн наймд ялагдлаа
Гэрэл зургийг Д.Нямбилэг
Сербийн нийслэл Белград хотод сонгомол барилдаан, чөлөөт бөхийн ДАШТ явагдаж байна. Өнөөдөр эрэгтэй 61, 65, 97 кг-ын барилдаантай.
65 кг-д Цэвээнсүрэнгийн Цогбадрах (Алдар) барилдаж байна. Эхний тойрогт Гвиней Бисаугийн Mbunde CUMBA MBALI-г 7:0 оноогоор ялсан. Дараа нь Польшийн Krzysztof BIENKOWSKI-г 3:0 тэргүүлж, шөвгийн наймд шалгарлаа.
Дараагийн өрсөлдөгч нь Америкийн оюутны бөхийн аварга, Пуэрто Рикогийн Себастьян Ривера байв. Идэвхийн торгуулийн 30 секундын оноогоор 1:0 тэргүүлж эхэлсэн ч өөр дараа нь 30 секунд торгууль хүлээлээ.
Дайрч дэвжээний захад хэсэг бужигнасан барилдааны дараа шүүгчид өрсөлдөгчид нь 2 оноо өгсөн. Манай дасгалжуулагч челленж мэдүүлж, шүүгч нар хэлэлцсээий эцэст хүлээж авсангүй. Ингээд Пуэрто Рикод нэг оноо орж, дээр нь торгуулийн 9 секунд үлдсэн байлаа. Оноо авч амжаагүй тул ийнхүү нэг дор 4 оноо алдлаа. Үлдсэн хугацаанд оноогоо нөхөх гэж явсаар 1:8 ялагдлаа.
Холбоотой мэдээ
Сэтгэгдэл ( 1 )
Цогбадрах улсын аваргаар Тулгыг хожсон нь үнэн боловч саяын дэлхийн аваргын барилдааныг харахад дэлхийд өрсөлдөхийн тулд эрс сайжрах хэрэгтэй байна.Тоо худлаа хэлдэггүй-түүнийг 8:1ээр ялсан пуэрто-Рика тамирчин дараа нь Америкт 10:0- ээр хожигдлоо.Өнөө орой тэр амэрик иранд 8:1 ээр хожигдож магадгүй.Тулга явсан бол медаль авахаар байв.