Мамиашвили: Орос бөхчүүд удахгүй тэмцээнд оролцож эхэлнэ

ОХУ-ын Спорт бөхийн холбооны тэргүүн Михаил Мамиашвили орос бөхчүүдийн олон улсын тэмцээнд оролцох цаг ирж байгаа талаар мэдэгдлээ.

Мамиашвили Metaratings-д ярилцлага өгөхдөө “Ойрын үед орос, беларусь тамирчид Бөхийн нэгдсэн ертөнцдөө эргэн ирж, Олимпын наадмын сонгон шалгаруулах тэмцээндээ орж эхэлнэ гэдэгт би итгэлтэй байна. Би Сербид Дэлхийн бөхийн нэгдсэн холбооны чуулганд оролцоод ирлээ. Чуулганаар манай тамирчдын асуудлыг нухацтай хэлэлцсэн. Хэлэлцүүлгийн уур амьсгал тун нааштай, сайхан байлаа” гэж онцолсон юм.