Оросын боксчид олон улсын тавцанд эргэн ирлээ

Олон улсын сонирхогчдын боксын холбооны (IBA) Захирлуудын зөвлөлөөс ОХУ, Беларусын тамирчдыг олон улсын тэмцээнд оролцохыг хориглосон шийдвэрээ цуцалж байгаагаа зарлалаа.

Тус холбооноос “Улс төр спортод нөлөөлж болохгүй. Бүх тамирчдад иргэншил, яс үндэс, оршин суугаа газраас үл хамааран ижилхэн, тэгш эрх олгох ёстой” гэж үзжээ.

Энэ шийдвэр ёсоор ОХУ, Беларусын боксчид өөрийн туг, далбаатай оролцох бөгөөд тус улсын шүүгч, албаны хүмүүс ч эргэн ирэх юм.

Олон улсын сонирхогчдын боксын холбооны тэргүүнээр ОХУ-ын иргэн Умар Кремлев ажиллаж байгаа билээ.