Жүдо ДАШТ: Б.Баасанхүү даралтаар цэвэр ялагдлаа

Автор | Zindaa.mn
2022 оны 10 сарын 06

Фото: МССХ-ны сурвалжилгын баг

Өнөөдөр Узбекистанд жүдо бөхийн ДАШТ эхэллээ. Тэмцээн уламжлал ёсоор хөнгөн жингээр эхэлсэн бөгөөд эрэгтэй 60 кг-д Э.Ариунболд, Э.Сумъяабазар, эмэгтэй 48 кг-д Б.Баасанхүү, Г.Наранцэцэг нар зодоглож байна.

ДАШТ-д анх удаа зодоглож байгаа залуу тамирчин Б.Баасанхүү эхлээд АНУ-ын залуу бөх Жованна Прадотой таарч, оноогоогоор ялсан.

Дараа нь Европын АШТ-ий хүрэл медальт, Их Дуулга тэмцээний 10, Гран При тэмцээний 9 медальт Сербийн Милицатай барилдлаа. Хашир бөхтэй эн тэнцүү барилдаж байсан Б.Баасанхүү барилдаан дуусахаас нэг минутын өмнө алдаа гарган, даралтад орсноор цэвэр ялагдлаа.

Ийнхүү 48 кг-д зодоглосон манай хоёр охин хоёулаа ялагдлаа. 

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Эгэл (66.181.190.32)  2022 оны 10 сарын 06

Наранцэцэг ээ миний дүү боль,ямар ч зорилгогүй дэвжээн дээр гарах гэж бас байдаг л юм байна, хм

0  |  0
Зочин (192.82.70.254)  2022 оны 10 сарын 06

Баасанхуу боломжоороо сайн узсэн харин тэр хагас минут ч тэсэлгуй ерселдегчийнхее эхний оролдлогод тэнгэр хардаг Наранцэцэг мэтийн жуулчидыг яах гэж ДАШТ-д явуулдаг нь сонин юм шуу

0  |  0
Top