Жүдо ДАШТ: Г.Алтанбагана эхний тойрогт торгуулиар яллаа

МССХ: Гэрэл зурагчин Д.Чадраабал, Ч.Ганбат, Д.Нямбилэг

Узбекистаны нийслэл Ташкент хотноо жүдо бөхийн ДАШТ үргэлжлэн явагдаж байна. Өнөөдөр эрэгтэй 90 кг, эмэгтэй 70 кг-ын тамирчид өрсөлдөж, аваргаа тодруулна.

Эрэгтэй 90 кг-д Г.Алтанбагана эхний тойрогт Египетийн Али Хаземтай таарчээ. Хазем бол 28 настай, энэ жилийн Африкийн АШТ-ий хүрэл медальт. 2019 оны Африкийн наадмын аварга. Хоёр бөх 2019 оны Парисын Их Дуулгад 1/16-д таарч, Г.Алтанбагана ялж байлаа.

Хоёр бөх нэлээд зууралдсан барилдааны эцэст нэмэлт цагт орсон. Али хоёр торгуультай байлаа. Нэмэлт цагт ч египет бөх олигтой ажиллахгүй байсаар дахин торгуулж, манай бөх торгуулиар дараагийн шатанд шалгарлаа.

Одоо Г.Алтанбагана Киргизийн Анарбек Ишенбаевтай барилдана. Анарбек бол 2021 оны Азийн залуучуудын аварга, 20 настай залуу бөх.