Садьо Манег эдгээхээр сенегал бөө нар ажиллана

Сенегалын шигшээ, Германы “Бавари” багийн довтлогч Садьо Мане гэмтэж, ДАШТ-д оролцож чадахгүй болсон талаар бид мэдээлсэн. Тус улсын хөлбөмбөгийн холбооноос өнөөдөр ДАШТ-д оролцох эцсийн бүрэлдэхүүнээ зарлах юм.

ФИФА-гийн Ерөнхий нарийн бичгийн дарга, Сенегалын иргэн Фатма Самура “Europe 1 Sport”-д ярилцлага өгөхдөө Манегийн талаар ярьсан байна.

-Садьо Мане хүнд гэмтлээ.

-Маш гунигтай мэдээ байлаа. Би алдартай бөө нарт хандахаар зэхэж байгаа.

-Бөө нар тусалж чадна гэж та бодож байна уу?

-Мэдэхгүй байна. Гэхдээ ямар ч байсан бөөгөөс гуйж үзнэ. Гайхамшиг тохиолдоно гэдэгт бид итгэж байна. Мане Катарт очих ёстой хүн.