Хоошёорюү 10 жил хийгдээгүй мэхээр ялжээ

Автор | Zindaa.mn
2022 оны 11 сарын 18

Мэргэжлийн сүмо бөхийн 11 дүгээр сарын тэмцээн Фүкүока хотод зургаа дахь өдрөө үргэлжлэн явагдаж байна. Тав дахь өдрийн барилдааны дараа сэкивакэ Хоошёорюү, маэгашира Такаясү, Нишикифүжи, Аби, Оношёо, Оохо, Ичиямамото нар ганц унаатай тэргүүлж байна.

Өчигдөр Хоошёорюү Мидорифүжиг кавазүгакэ мэхээр ялсан. Өрсөлдөгчөө мордоход нь дэгээ ороож, арагш нь унагаасан юм. Энэ мэх дээд зиндаанд 10 жилийн дараа хийгдэж байгаа бөгөөд авга ах Асашёорюү нь ч сэкитори болсон хойноо хийж байгаагүй ховор мэх.

Барилдааны дараа тэрээр “Ийм мэх хийх гэж зориуд бэлтгэсэн зүйл үгүй. Барилдааны дунд мэдрэмжээрээ хийчихлээ. 2012 оноос хойш хийгдэж байгааг нь сая л дууллаа. Баяртай байна” гэж ярьсан байна.

Сэтгэгдэл ( 3 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Аагий (66.181.160.123)  2022 оны 11 сарын 20

тас гэдрэг нь савачажээ янз нь

1  |  1
Нийслэлийн иргэн (13.231.150.189)  2022 оны 11 сарын 20

Сайхан уран барилдаан гаргаж байгаа дүүдээ баяр хүргэе! Их аварга болохыг хүсэн ерөөе.

7  |  1
d (192.82.65.64)  2022 оны 11 сарын 18

medremj\n

0  |  0
Top