Катар-2022: Найм дахь өдрийн тэмдэглэл

Ц.ЭНХТҮВШИН

Катараас мэдээлж байна ("Таван цагариг" сонин)

"Катар-2022" хөлбөмбөгийн 22 дахь удаагийн дэлхийн аварга шалгаруулах тэмцээн эхлээд найм хоногийг үджээ.

ЯПОН-КОСТА РИКА 0:1

Тун ч чухал тоглолт дээр мөн ч хариуцлагагүй тоглолоо доо , " хөх самуурайнууд". Коста Рикаг хожсон бол өдийд хэсгээсээ гарах нь тодорхой болчихсон, Испанитай ёстой бүх сэлгээгээ оруулаад тоглосон ч айх асуудалгүй байлаа. Коста-Рика хожсоноор хасагдах шатанд үлдэх боломж бага ч гэсэн үлдэв.

ГЕРМАН-ИСПАНИ 1:1

Герман ямар ч байсан  " амьд " үлдлээ. Одоо Испаний " захыг нь мушгих" хэрэгтэй, "Герман машин".

Сүүлийн тойрогт Коста Рикаг заавал хожих шаардлагатай. Дээр нь Испани Японд хожигдохгүй байх хэрэгтэй болно. Хэрэв Япон -Испани тэнцвэл "бундестим" Коста Рикаг доор хаяж  хоёр гоолоор хожиж байж хасагдах шатанд шалгарна, " герман машин.

БЕЛЬГИ-МАРОККО 0:2

Бельгийн " алтан үеийнхэн " Мароккод хожигдон, сүүлчийн тоглолтод Хорватад хожигдвол нутаг буцах шаардлагатай болно. Марокко Бельгийн эсрэг ёстой "язагнаж" тоглолоо. Сэтгэл зүрхээрээ, бүх зүйлээ тоглолтод зориулсан ыаг ямар ч багийг хожиж болдгийг харууллаа, мароккочууд. Одоо Канадыг хожвол хэсгээсээ гарна.

ХОРВАТ-КАНАД 4:1

Хоккейн орон Канад хөлбөмбөгийн дэлхийн дэд аваргуудад хожигдон, сүүлчийн тойрогт хэрхэн тоглохоос хамаарахгүй хасагдах шатанд шалгарлаа.  Канадууд муугүй тоглолт үзүүлсэн ч Катарын араас гэртээ Дэлхийн аваргаа үзэх хоёр дахь баг боллоо.