Эхний тойрогт Увс - Архангай аймгууд учраа таарлаа

Монголын Үндэсний Бөхийн Холбоо, СПС телевиз SPS Television-тэй хамтран зохион байгуулж буй Үндэсний "Алтан цом”-ын төлөөх цуврал барилдааны гуравдугаар шат буюу шигшээ найман багийн дарааллыг тогтоох сугалааг зохион байгууллаа.

Сугалаа ёсоор шигшээ барилдаан 12 дугаар сарын 14 буюу энэ Лхагва гарагийн 20:00 цагаас Булган - Төв аймгийн бөхчүүдийн барилдаанаар эхэлнэ.

Пүрэв гарагийн 20:00 цагаас Өвөрхангай - Баянхонгор, Баасан гарагийн 20:00 цагаас Баян-Өлгий - Завхан, Бямба гарагийн 16:00 цагаас Увс - Архангай аймгийн багууд тус тус барилдана.

Монголын Үндэсний Бөхийн Холбооны Үндэсний Алтан цомын төлөөх барилдааны шигшээ найман баг уламжлалт тойргийн аргачлалаар бүгд хоорондоо барилдаж, аваргаа тодруулна.

МОНГОЛЫН ҮНДЭСНИЙ БӨХИЙН ХОЛБОО