Катар-2022: Финалын тоглолтыг Польшийн шүүгч дэнсэлнэ

Катарт болж байгаа хөлбөмбөгийн ДАШТ өндөрлөхөд ердөө хоёр тоглолт үлдээд байна.

ФИФА-гаас алт болон хүрэл медалийн төлөөх тоглолтуудад гарах шүүгчдийн нэрсийг зарлалаа.

Аргентин, Францын тоглолтыг Польшийн Шимон Марчиняк дэнслэх боллоо. Тэрээр энэ тэмцээнд Франц – Дани (2:1), Аргентин – Австрали (2:1) тоглолтыг шүүсэн билээ. Түүнд нутаг нэгт Павел Сокольницки, Томаш Листкевич, Томаш Квятковски нар тусална.

Харин хүрэл медалийн төлөөх Хорват, Мароккогийн тоглолтод Катарын шүүгчид гарах боллоо. Талбайн шүүгчээр Абдуррахман Аль-Жассим ажиллах бөгөөд АНУ, Уэльсийн тоглолтод 6 шар карт гаргаж, пенальти зааж байсан юм.