БНАСАУ-ын дрон БНСУ-ын Ерөнхийлөгчийн оффисын бүс рүү нэвтэрчээ
.jpg)
Өнгөрсөн арванхоёрдугаар сарын сүүлчээр БНАСАУ-ын зүгээс хэд хэдэн нисгэгчгүй аппарат Өмнөд Солонгосын нутаг дэвсгэр рүү орж ирсэн билээ.
Тэгвэл уг дронуудын нэг нь Сөүл дэх БНСУ-ын Ерөнхийлөгчийн оффисын эргэн тойрон дахь 3.7 км радиустай нислэггүй бүсэд орж ирсэн талаар “Ёнап” агентлаг мэдээлжээ.
Дрон БНСУ-ын Ерөнхийлөгч Юн Сог Ёлын оффисын бүсийн хойд хязгаар дээгүүр нисэн өнгөрсөн байна.
Гэхдээ дрон БНСУ-ын аюулгүй байдлын гол байгууламжууд руу ойртож амжаагүй аж.
Өнгөрсөн сарын 26-нд БНАСАУ-ын хэд хэдэн дрон хоёр Солонгос хоорондын хилийг давж, БНСУ-ын цэргийнхэн уг дронуудын зүг рүү сөнөөгч онгоц, нисдэг тэрэг, байлдааны хөнгөн онгоц “КА-1”-ийг илгээсэн юм.
Хойд Солонгос мөн арванхоёрдугаар сарын 31, нэгдүгээр сарын 1-нд өндөр хүчин чадалтай тийрэлтэт системийг туршсан билээ.
Сэтгэгдэл ( 1 )
Ямар ч бүртгэлгүй дрон нийслэл хот , тусгай хамгаалалттай онцгой бүс дээгүүр нь зүгээр л нисэж болдог яацан улс вэ