Гутцайт: Орос, беларусь тамирчдыг олимпод оруулахгүйн төлөө бүхнийг хийнэ

Францын Ерөнхийлөгч Эммануэл Макрон ОХУ, Беларусын тамирчдыг нутагтаа болох “Парис-2024” олимпын наадамд оролцуулах хүсэлтэй байгаагаа илэрхийлсэн.

Украины Спорт, залуучуудын сайд, ҮОХ-ны тэргүүн Вадим Гутцайт энэ саналыг эрс эсэргүүцэж байгаагаа олон нийтийн сүлжээнд бичжээ.
 

“Дайны эхний өдрөөс эхлэн бид орос, беларусь тамирчдыг улс орноо олон улсын тавцанд төлөөлөхийг эсэргүүцэж ирсэн. Тэднийг олон улсын тэмцээнд оролцохгүй байхыг хүсэж байна, оролцуулахгүй талаар ч бүхнийг хийж байгаа. Украинд дайн дуусаагүй байгаа цагт бид Оросын туг далбаа, тамирчдыг ямар ч тэмцээн уралдаанд харах ёсгүй”

“Францын Ерөнхийлөгч Парисын олимпод бүх улс орныг оролцуулах байр суурьтай байгааг бид мэднэ. Энэ бол түүний хувийн бодол, бид хүлээж авахгүй. Манай ГХЯ, Спортын яамнаас бүх түвшинд өөрсдийн байр сууриа илэрхийлж байгаа”

“Олимпын эрх авах тодорхой дүрэм байгаа. Эрхийн тэмцээнүүд хэдийн эхэлсэн. Эрх авсан тамирчид л олимпод оролцоно. Бидний зорилго бол украин тамирчид аль болох олон олимпын эрх авах. Мөн орос, беларусь тамирчдыг эрхийн тэмцээнд оролцуулахгүй байх”

“Би гадаадын мэргэжил нэгт нөхдүүддээ хориог дэмжихийг уриалж, ярилцаж байгаа. Эх орныхоо эрх ашгийг хамгаалж чадна гэтэгтээ итгэлтэй байна. Украины далбаа бүх тэмцээнд намирч байх болно. Яагаад гэвэл бид ялагч ард түмэн”