“Сүүлчийн император” Федорын сүүлийн цуст тулаан

Дэлхийн тулааны урлагийн түүхэнд хүчтэй чадалтай, авьяастай сайн тамирчин олон байсан. Гэхдээ тэдний дунд домог болон мөнхөрсөн нь цөөн. Холимог тулааны домгуудын нэг “Сүүлчийн император” хочит Федор Емельяненко өнөөдөр сүүлийн тулаанаа хийж, зодог тайллаа.

“Аваргуудын дундах аварга”, “Сүүлчийн император”, “Ертөнцийн хамгийн хүчтэй хүн”, “Хүн төрөлхтний түүхэн дэх их аварга” зэрэг олон нэртэй Федор сүүлийн тулаанаа АНУ-ын Райан Бейдертэй Bellator 290 тэмцээнд хийж, эхний үед хүнд цохилтоор ялагдсан юм.

Зодог тайлах тулаанд нь зөөлхөн өрсөлдөгч оноох гэсэн боловч Федор зөвшөөрөөгүй. Тэр Байдерт 2019 онд 35 секундэд ялагдаж байсан хариугаа авах бодолтой байв. Гэвч тулаан мөн л маш хурдан 2,5 минутад төгслөө.

Тулааны дараа тэр бээлийгээ тайлж, албан ёсоор зодог тайлснаа илэрхийлсэн. Федор 46 настай. Холимог тулаанд 48 тулалдахдаа 40 ялж, нэг хүчингүй тулаан, 7 ялагдсан. Тиймээ, тэр дахин ялагдахгүй.