“Оддын тоглолт”-ын онцлогуудаас

Ц.Энхтүвшин Таван цагариг сонин

National Basketball Association буюу Үндэсний сагсанбөмбөгийн 72 дахь удаагийн "Оддын тоглолт" эхэллээ. Олон олон онцлогтой тоглолт. Ганц нэг жишээ дурьдвал энэ удаагийн All star game -д 22 багийн төлөөлөгч оролцож байгаа нь рекорд амжилт юм. Мөн хамгийн олон Америкийн бус тоглогч (9) -ийн тоогоор өмнөх дээд амжилттай тэнцсэн бол гарааны 6 тоглогч (Яннис Антетокумбо-Грек, Лука Дончич-Словен, Никола Жокич-Серб, Лаури Маркканен-Финланд, Жоэль Эмбийд-Камерун, Кайри Ирвинг-Австрали) АНУ-ын бус байгаа нь мөн л рекорд болж байна.

Мөн өнөөдөр (2.19) NBA -ийн домог Чарльз Баркли 60 нас, NBA -ийн хоёр удаагийн шилдэг тоглогч Никола Жокич 28 нас хүрлээ.

Хэдхэн хоногийн өмнө NBA -ийн бүх цагийн үеийн онооны Карим Абдул Жаббарын рекордыг эвдсэн Леброн Жэймс өнөөдөр мөн л Карим Абдул Жаббарын "Оддын тоглолтод" хамгийн олон буюу 19 удаа оролцсон амжилтыг эвдлээ.