Боксын ДАШТ-ий үеэр газар хөдөлжээ

Энэтхэгийн Нью-Дели хотод сонирхогчдын боксын эмэгтэйчүүдийн ДАШТ үргэлжлэн явагдаж байна.

Тус тэмцээний үеэр газар хөдөлж, тэмцээнийг зохион байгуулагчид түгшүүр авсан байна. Нью-Дели хотод болсон газар хөдлөлт хэдэн минутын турш үргэлжилсэн бөгөөд Афганистанд болсон 6,6 магнитудын хүчтэй газар хөдлөлтийн чичиргээ нь байжээ.

Зохион байгуулагчид тамирчдыг буудлаас нь гаргаж, аюулгүй байдлын үүднээс хагас цаг гадна байлгасан байна.