Ш.Энхийн-Од NBA-д тоглох анхны монгол сагсан бөмбөгч болох уу?

Админ | Zindaa.mn
2023 оны 03 сарын 29

Ц.Энхтүвшин, "Таван цагариг" сонин

Мэргэжлийн сагсан бөмбөгийн ертөнц дэх хамгийн хүчирхэг лиг болох NBA (National Basketball Association)-д Монголын анхны сагсан бөмбөгчин тоглох цаг мөч ойртсоор.

АНУ-ын Оюутны лиг (NCAA)-ийн нэгдүгээр дивизион буюу дээд ангилалд монгол хүний мөрийг анх гаргасан, "Дэйтон флайерс" багийн тоглогч Шаравжамцын "Майк" Энхийн-Од энэ жилийн NBA draft буюу шинэ тоглогчдын сонгон шалгаруулалтад нэр нь орсон гэдгийг спортын томоохон суваг ESPN-ийн эх сурвалжаас (Сэтгүүлч Jonathan Givony анх мэдээлсэн) уламжлан Daytondailynews.com, Hoopshype.com, Fieldlevelmedia.com гэх мэт олон мэдээллийн хэрэгслээр шуугиж эхэллээ.

Ш.Энхийн-Од өнгөрсөн хавар АНУ-ын ахлах сургуулийг 2022 оны төгсөлтийн Дэлхийн шигшээд багтан, АНУ-ын үе тэнгийнхнийхээ шигшээ багтай хийсэн тоглолтод оролцож, намраас нь Дэйтон их сургуулийн багийн хамгаалагч болж, улирлын турш амжилттай тоглон, "Атлантик-10" конференцийн шинэ тоглогчдын бэлгэдлийн шигшээд нэрлэгдсэн юм.
 


Ш.Энхийн-Одод NCAA-ийн шилжилт, наймааны цонхоор өөр их сургуулийн багт орох боломж байсан ч мэргэжлийн замналаа эхлүүлэхийг илүүд үзсэн бололтой хэмээн дээрх хэвлэлүүдэд бичсэн байна.

NBA Draft 2023 нь зургаадугаар сарын 22-нд Нью Йоркийн Брүүклинд болно.

Сэтгэгдэл ( 4 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Дэлэн (192.82.72.190)  2023 оны 03 сарын 30

Анхны монгол хүн бол Баатар биш бил үү!

0  |  0
S (141.156.129.149)  2023 оны 03 сарын 29

Buruu shiidver

0  |  0
үнэн (192.82.67.131)  2023 оны 03 сарын 29

Энийг одоо хэн ч тоохгүй л дээ, сургуулий хаяж байдаг тэнэг хог вэ, үсрээд л Европод тоглоно биз

0  |  2
хасбат  (115.85.203.235)  2023 оны 03 сарын 29

хоёрдугаар нь болох магадгүй \n\n

0  |  0
Top