Чөлөөт бөх: Ц.Намуунцэцэг цэвэр ялагдлаа

Дөрөвдүгээр сарын 9-14-нд Казахстаны Астана хотод чөлөөт бөх, сонгомол барилдааны Азийн аварга шалгаруулах тэмцээн болж байна.

Тэмцээний эхний хоёр өдөр сонгомол барилдааныхан барилдсан бол өнөөдрөөс (2023.04.11) эмэгтэй тамирчид өрсөлдөж эхэллээ.

Өнөөдөр эмэгтэй 50, 55, 59, 68, 76 кг-ын барилдаантай.

50 кг-д Цогт-Очирын Намуунцэцэг Японы дэлхий, Азийн аварга Рэмина Ёшимототой таарсан. Өмнө нь таарч байсан, сайн танил өрсөлдөгч. Манай бөх хөлд орох гээд эсрэгээрээ зүүн хөлдөө япон тамирчныг алдсан. Рэмина ард гарч 2 оноо аваад, эргүүлсээр 10-0 оноогоор цэвэр яллаа.