Чөлөөт бөх: Х.Болортуяа оноогоор ялагдлаа

Дөрөвдүгээр сарын 9-14-нд Казахстаны Астана хотод чөлөөт бөх, сонгомол барилдааны Азийн аварга шалгаруулах тэмцээн болж байна.

Тэмцээний эхний хоёр өдөр сонгомол барилдааныхан барилдсан бол өнөөдрөөс (2023.04.11) эмэгтэй тамирчид өрсөлдөж эхэллээ.

Өнөөдөр эмэгтэй 50, 55, 59, 68, 76 кг-ын барилдаантай.

59 кг-д Хүрэлхүүгийн Болортуяа Энэтхэгийн Сарита Саритатай барилдлаа. Барилдаан ойролцоо өрнөсөн ч энэтхэг бүсгүй 4:1 оноогоор яллаа.