Чөлөөт бөх: З.Занабазар хүрэл медалийн барилдаанд ялагдлаа
Гэрэл зургийг Д.Нямбилэг
Казахстанд болж байгаа чөлөөт бөхийн Азийн аваргын тэмцээний эрэгтэйчүүдийн тэмцээн өнөөдөр явагдаж байна. Эрчүүд 57, 65, 70, 79, 97 кг-ын жингийн барилдаанаар тулаанаа эхлүүллээ.
57 кг-д Занданбудын Занабазар эхний тойрогт хийлж, дараагийн тойрогт Тажикстаны дагестан залуу Сунатулло Бобоевтой барилдлаа. Манай бөх тун хянуур барилдаж, 9:0 ялсан.
Дараагийн тойрогт Киргизийн Almaz SMANBEKOV-той барилдаж, 6:8 оноогоор ялагдлаа.
Хүрэл медалийн төлөө Казахстаны Рахат Калжантай барилдав. Казах залуу өнгөрсөн жил Улаанбаатарт Азийн АШТ-ий мөнгөн медаль хүртсэн. З.Занабазар 2017 оны Азийн АШТ-ээс хүрэл медаль хүртэж байлаа.
Барилдаан эн тэнцүү, манай тамирчны бага зэрэг давамгайллаар өрнөж байсан ч дуусахын өмнөхөн казах бөх хутгаж ороход Занаа хариу мэх хийсэн. Үүн дээр Казахстаны баг челленж шаардаж, шүүгч нар Калжанд оноо өгснөөр тэрээр хүрэл медаль хүртлээ. Тун харамсалтай барилдаан боллоо.
Холбоотой мэдээ
Сэтгэгдэл ( 0 )