Сабонис дээр гишгэсэн Грин нэг тоглолтоор шийтгүүлэв

НБА лигийн хасагдах шатны тоглолтууд эхлээд удаагүй байна. Голден Стэйт Уорриорз багийн шилдгүүдийн нэг Дрэймонд Грин плей-оффын эхний шатны Сакраменто Кингз багтай хийх гуравдугаар тоглолтыг өнжихөөр болжээ.

Грин хоёр дахь тоглолтод газар унасан байсан өрсөлдөгч багийн Сабонис дээр гишгэсэн.

Хөлийг нь барьсан учир тэнцвэр алдаад гишгэсэн гэж тайлбарласан ч НБА лиг түүнийг шийтгэлээ. Цувралд одоогийн байдлаар Сакраменто Кингз 2-0 тэргүүлж байгаа. Лигийн түүхэнд плей-офтт 3:0 ялагдаж байсан баг дараагийн шатанд шалгарч байсан түүх үгүй. Тэгэхээр дараагийн маш чухал тоглолтод Грин багтаа тус болж чадахгүй болжээ.