"Vista" гольф клубын тэмцээнд Ж.Маргад түрүүллээ

Монголын гольфийн холбооны гишүүн "Vista" гольф клубын цуврал 6 тоглолтоос бүрдсэн 3.0 сая төгрөгийн шагналтай тэмцээний хоёр дахь тойргийн тэмцээн 2023 оны 6 дугаар сарын 20-ны өдөр Mount Bogd гольфийн талбай дээр болж өнгөрлөө.

Тэмцээн маш өрсөлдөөнтэй болж өнгөрсөн бөгөөд энэ удаагийн тойргийн тэмцээний аваргаар -2 оноогоор Ж. Маргад шалгарсан ба -1 оноогоор Б. Самади удаалсан байна.

Энэ удаагийн тэмцээний бас нэг онцлог нь багийн тэмцээн байсан ба +13 оноогоор Н.Баттулга ахлагчтай А.Тамир, Г.Маралмаа, Г.Ариунтуяа нарын бүрэлдэхүүнтэй баг тэргүүн байр эзэлсэн бол хоёрдугаар байранд Б.Самади ахлагчтай Э.Мишээл, Н.Эрдэнэбаатар, С.Мөнхбат нарын бүрэлдэхүүнтэй баг орлоо.

Тэмцээний бас нэг шагнал болох строк буюу хамгийн бага цохилтын оноо авсан тоглогчоор 77 цохисон үзүүлэлтээр Н.Баттулга шалгарлаа.

Цуврал тэмцээний дараагийн тойргийн тоглолт 7 сарын 27-нд зохион байгуулагдах юм.