О.Цэцэнцэнгэл, Д.Номинзул хүрэл медаль хүртлээ

Автор | Zindaa.mn
2023 оны 06 сарын 26

Нийслэл хотноо жүдо бөхийн "Улаанбаатар Их дуулга-2023" тэмцээн өндөрлөлөө. Тэмцээний сүүлийн өдөр манай тамирчид гурван медаль авлаа.

Эрэгтэй +100 кг-ын жинд “Хилчин” спорт хороо, Женко клуб, ЖИ-МОБАЙЛ компанийн тамирчин, ОУХМ Одхүүгийн Цэцэнцэнгэл хүрэл медаль хүртлээ. Тэрбээр хүрэл медалийн төлөө ДАШТ-ий мөнгөн медальт Азербайжаны Ушанги Кокоуриг этэх мэхээр цэвэр буулгаснаар Гранд Слам ангилалаас 5 дахь медалиа хүртлээ. Үүнээс өмнө О.Цэцэнцэнгэл Их дуулга тэмцээнээс 3 алт, 1 хүрэл медаль хүртээд байсан юм.

Завхан аймгийн Их-Уул сумын харьяат, Женко клубийн тамирчин ОУХМ Дамбадаржаагийн Номинзул IJF-ийн дэлхийн цувралаас анхны медалиа хүртлээ. Тэрбээр +78 кг-ын жинд хүрэл медалийн төлөө ОУХМ Амарсайханы Адъяасүрэнг нэмэлт цагт торгуулиар ялсан юм.

Ингэснээр Монгол Улс "Улаанбаатар Их дуулга-2023" тэмцээнийг 2 алт, 4 хүрэл медаль хүртсэн амжилттай өндөрлүүлж байна.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зочин (66.181.166.196)  2023 оны 06 сарын 26

Энэ Цэцэгцэнгэл чинь эцгийгээ дууриасан бас нэг эрүүгийн элемент байна лээ шүү, Түвшинбаярын араас явчих вий дээ

0  |  0
Top