Чөлөөт бөх: Монголыг багийг Якутад ёслол төгөлдөр хүлээн авлаа

ЗХУ, ОХУ, Якутын гавьяат дасгалжуулагч Дмитрий Петрович Коркины 95 насны ойд зориулсан чөлөөт бөхийн тэмцээн есдүгээр сарын 3-нд буюу өнөөдөр Якутын Чурапча тосгонд явагдана. Тэмцээнд Монгол, Якутын шигшээ баг халз барилдах юм. Манай багийг нисэх буудалд айраг, идээ барин баяр ёслолын байдлаар угтан авлаа.

Якутын шигшээ баг

- Дэлхий, Европын АШТ-ий медальт Петр Копылов (57 кг);

- ОХУ-ын АШТ-ий медальт - Дархан Игнатьев (57 кг), Александр Авелов (61 кг);

- Алс Дорнодын АШТ-ий аварга - Артем Слепцов;

- Поддубный мэргэжлийн лигийн мөнгөн медальт, Ярыгиний тэмцээний хүрэл медальт, Байгаль нээлттэй тэмцээний аварга Константин Капрынов (70 кг);

- ОХУ-ын аварга Станислав Свинобоев;

- Алс Дорнодын аварга, ОХУ-ын оюутны АШТ-ий медальт Никита Софронов (92 кг).

Монголын шигшээ баг

-Залуучуудын ДАШТ-ий хүрэл медальт, Иван Ярыгиний тэмцээний хүрэл медальт Н.Насанбуян (57 кг);

- Монголын УАШТ-ий медальт Г.Болор-Эрдэнэ (57 кг);

- Азийн АШТ-ий хүрэл медальт П.Дашцэрэн (61 кг);

- Монголын залуучуудын АШТ-ий медальт Б.Зэнэмэдэр (61 кг);

- УАШТ-ий хүрэл медальт Төмөрчөдөр .Өглөөжаргал (70 кг);

- Батсүх Батбаяр (74 кг), Дагвадорж Оргилох (92 кг).