Чөлөөт бөхийн ДАШТ: Өнөөдөр манай 4 бөх барилдана

Өчигдөр Сербийн нийслэлд сонгомол барилдаан, чөлөөт бөхийн ДАШТ хөшгөө нээлээ. Парисын олимпын эрхийн эхний тэмцээн гэдгээрээ онцлог, бөмбөрцгийн бүх хүчтэнүүд цугларсан тэмцээн ийнхүү эхэлж байгаа юм.

ДАШТ-ий эхний өдөр эрэгтэй 61 кг, 70 кг, 86 кг, 125 кг-ын жингийн барилдаан болж, манайхаас 86 кг-д Бямбасүрэнгийн Бат-Эрдэнэ дагах барилдаанд үлдсэн.

Өнөөдөр эрэгтэй 57, 74, 79, 92 кг-ын жингийн барилдаанууд эхэлнэ.

57 кг-ын жинд Монгол Улсын шигшээ багийн тамирчин, ДАШТ-ий хүрэл медальт, ОУХМ Занданбудын Занабазар эхний тойрогт Беларусь Улсын тамирчин Шамела Дмитритэй таарсан. Ялахад олимпын аварга, ОХУ-ын Угуевтай барилдах болно.

74 кг-ын жинд ОУХМ Олонбаярын Сүлдхүү, Серби Улсын тамирчин ДАШТ-ий алт, мөнгөн медальт Хетик Цаболовтой таарчээ. Манай бөх олимпын аварга Сидаковын хэсэгт орсон.  

79 кг-ын жинд ОУХМ Бат-Эрдэнийн Бямбадорж, БНХАУ-ын Ли Пейлонтой барилдана. Ялахад Украины бөхтэй учрах болно.

92 кг-ын жинд U23 хүртэлх насны ААШТ-ий хүрэл медальт, ОУХМ Ганбаатарын Ганхуяг, Израйл Улсын тамирчин Юри Калашников, Хажи Ражабау нарын ялсантай эхний барилдаанаа хийнэ.

9-р сарын 17 Ням

16:30. Эрэгтэй дагах барилдаан 61, 70, 86, 125 кг. Эрэгтэй урьдчилсан барилдаан 57, 74, 79, 92 кг.

21:00. Эмэгтэй жингийн сугалаа

23:00. Эрэгтэй хагас шигшээ 57, 74, 79, 92 кг.

00:00. Медалийн төлөөх барилдаан Эрэгтэй 61, 70, 86, 125 кг.

03:00. 5-р байрны төлөө барилдаан (олимпын эрх) Эрэгтэй 86, 125 кг.