Ханжоу 2022: Монголын баг 4 медальтай 15-р байрт бичигдэж байна

Гэрэл зургийг: Ч.Ганбат /МССХ/ Ganbat Chuluunbaatar

"Ханжоу 2022" Азийн наадмын 3 дахь өдөр өндөрлөж байна. Манай багийн анхны медалийг Эмэгтэйчүүдийн багийн 10 м хийн урт бууны тэмцээнд буудлагын тамирчид авчирсан бол дараа нь жүдогийн эмэгтэй 52 кг-д Л.Сосорбарам хүрэл, эрэгтэй 66 кг-д Ё.Басхүү мөнгөн медаль авсан.

Өнөөдөр эрэгтэй 73 кг-д жүдогийн Ц.Цогтбаатар хүрэл медаль хүртлээ.

Одоогийн байдлаар Ханжоуд Хятадын шигшээ 32 алтан медальтай, нийт 52 медальтай тасархай  тэргүүлж байна. Монголын шигшээ баг 1 мөнгө, 3 хүрэл медальтай 15-д жагсаж байна. Манай яг доор бичигдсэн АНЭУ хоёр медальтайг хоёуланг нь манай жүдочид авч өгчээ.