Галт уулын дэлбэрэлтэд өртөхөөс урьдчилан сэргийлж, 3800 орчим иргэнийг нүүлгэн шилжүүлжээ

Исландын өмнөд хэсэгт буюу Рейкьявик хотын ойролцоо өнгөрсөн оны арав дугаар сараас хойш тав дахь удаагийн галт уулын дэлбэрэлт орон нутгийн цагаар тавдугаар сарын 29-ний 15:00 цаг орчимд болсон байна.

Дэлбэрэлтийн улмаас 50 метрийн өндрөөс 3.5 километр өргөнтэй халуун лаав үүссэн. Тус халуун лаав нь 3800 орчим хүн амтай хот руу чиглэн урсаж байгаа тул тус хотын иргэдийг нүүлгэн шилжүүлэх ажиллагааг зохион байгуулж, Онцгой байдлын байгууллагаас сэрэмжлүүлэг хүргэсээр байгаа юм.