Бичлэгт нэр дурдагдсан этгээдүүдийг ШАЛГАЖ ЭХЭЛЛЭЭ

Өчигдрөөс эхэлж олон нийтийн сүлжээнд “Temuulen Tsolmon” гэх хаягаас хар тамхи хэрэглэж мансуурах явцдаа хар тамхи хэрэглэдэг байсан болон худалдан борлуулдаг хүмүүсийн талаар ярьж буй бичлэг иргэний бичлэг цацагдсан.

Дээрх иргэн нь УИХ-ын гишүүн асан Р.Бурмаагийн хүү Ц.Тэмүүлэн бөгөөд одоо АНУ-д амьдардаг. Тэрбээр сошиал сүлжээнд лайв хийхдээ өөрийгөө болон тус улсад хуулиар зөвшөөрөгдсөн каннабисын төрлийн ургамал хэрэглэж, хар тамхи хэрэглэх аргачлалыг зааж, сурталчилж байгаа нь олон нийтийн шүүмжлэлийг дагуулж эхэллээ.

Тэрбээр, монголд байх хугацаандаа Батий гэх этгээдээс хар тамхи худалдан авч Жавхлан, Зүчи, Мөндөл, Хангал гэх иргэдийн хамтаар хэрэглэдэг байсан. Харин тэдэнд хар тамхи худалдсан Батий гэгч нь Анужин гэх этгээдээр дамжуулан Монгол улсын хилээр хар тамхи мансууруулах бодис хууль бусаар нэввтрүүлдэг байсан тухай мэдээлсэн юм.

Дээрх нэр дурдагдсан этгээдүүдийг Хар тамхитай тэмцэх газраас шалгаж эхэлсэн байна.

Түүнчлэн сүүлийн жилүүдэд энэ төрлийн гэмт хэрэгт олны танил дуучид, спортынхон холбогдох болсон нь нийгэмд сөрөг үр дагаврыг үзүүлж байна. Иймд олон нийтийн сүлжээнд төрөөс хяналт тавих, зарим хуульд өөрчлөлт оруулж эрхзүйн боломжийг бүрдүүлэх, хүүхдийн цахим хэрэглээнд хяналт тавих зайлшгүй шаардлага үүсээд байгаа юм.