Хэзээ царцаагаар хийсэн хоол хэвийн үзэгдэл болох вэ?

Их Британийн Йоркийн их сургуулийн эрдэмтэд царцаа, дэвхэргэ зэрэг шавжийн уургийн үйлдвэрлэл 30 жилийн дараа гэхэд хэвийн үзэгдэл болно гэж тооцоолжээ.

Гучин жилийн дараа гэхэд хүмүүсийн хоол, хүнсэнд буурцаг болон лабораторийн нөхцөлд гарган авсан мах давамгайлах гэнэ. Уур амьсгалын өөрчлөлтийн улмаас хүмүүс импортын хүнс, ногоо бус эх орны үйлдвэрийн хүнсний бүтээгдэхүүн хэрэглэхийг илүүд үзнэ. Хөрсөнд ургуулсан гүзээлзгэнээс хөрсгүй орчинд ургуулсан жимсний ургац, чанар нь илүү сайжирсныг судалгаагаар харуулжээ. Тиймээс ургамлын селекц өргөнөөр дэлгэрч, шинэ төрөл олноор гарна гэж үзэж байна.