Монгол, Оросын Ерөнхийлөгч нар албан ёсны хэлэлцээ хийнэ

З.Тэмлүүн | Zindaa.mn
2024 оны 08 сарын 30
Халх голын байлдааны 85 жилийн ойг тэмдэглэх хүрээнд Оросын Холбооны Улсын Ерөнхийлөгч Владимир Владимирович Путин 2024 оны 09 дүгээр сарын 03-ны өдөр Монгол Улсад албан ёсны айлчлал хийх болсныг Монгол Улсын Ерөнхийлөгчийн Тамгын газраас мэдээллээ. 

Энэ онд Халх голын байлдааны 85 жилийн ой, Монгол, Оросын хувь нийлүүлсэн “Улаанбаатар төмөр зам” нийгэмлэг үүсэн байгуулагдсаны 75 жилийн ой, Найрсаг харилцаа, иж бүрэн стратегийн түншлэлийн тухай Монгол Улс, Оросын Холбооны Улс хоорондын гэрээ байгуулагдсаны таван жилийн ой тохиож байгаа билээ.

Айлчлалын үеэр хоёр улсын Төрийн тэргүүн нар албан ёсны хэлэлцээ хийж, харилцаа, хамтын ажиллагааны асуудлуудаар санал солилцохоос гадна хоёр улсын Засгийн газар хооронд байгуулах баримт бичгүүдэд гарын үсэг зурах ёслолд оролцоно.

Монгол Улсын Их Хурлын дарга Д.Амарбаясгалан, Ерөнхий сайд Л.Оюун-Эрдэнэ нар ОХУ-ын Ерөнхийлөгч В.В.Путинд тус тус бараалхаж, хоёр талын харилцаа, хамтын ажиллагааны асуудлаар санал солилцох юм.

Сэтгэгдэл ( 3 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Я (70.108.16.162)  2024 оны 09 сарын 01

Далдуур явсан гайг даллаж дуудаад балрах нь

0  |  0
Зүч (202.126.90.177)  2024 оны 09 сарын 01

Монгол улсын нэр хүнд олон улсын тавцанд навс унаж шившгээ тарих эсэх нь энэ засгийн газар болон ерөнхийлөгчөөс шалтгаалах болно. Байдлаас гарах олон л гарц бий дээ. Ирэхээс нь урд сануулах гээд. ...

1  |  0
666 (66.181.180.196)  2024 оны 09 сарын 01

Сайн байна.

1  |  1
Top