Дуулиан дундуурх Жастин Бибер

Реппэр Шон Дидди Комбсын үйлдсэн гэх гэмт хэргийн дуулианд нэр холбогдоод буй Жастин Бибер орон нутгийн цагаар баасан гарагийн орой Лос Анжелес хотноо сэтгэлээр унаж, гутралд орсон байдалтай яваа нь папарацичдын дуранд буужээ. 

Алдартнуудын ихээр үйлчлүүлдэг Chateau Marmont-оос ганцаар гарч явсан тэрээр машиндаа гүн бодолд автан суугаа нь харагдах бөгөөд Шон Дидди түүнийг өсвөр наснаас нь эхлэн хүчирхийлсэн гэх цуурхал дэлхий даяар дэгдээд байгаа билээ. Уг зураг цацагдсаны дараа түүний шүтэн бишрэгчид дуучны сэтгэцийн эрүүл мэнд болон аюулгүй байдалд санаа зовж эхэлжээ. 

Шон Диддигийн бэлгийн хүчирхийлэлд өртсөн 25 өсвөр насны хүүхэд гэх мэдээлэл бий. Эдгээрийн нэг нь дуучин Жастин Бибер хэмээн олон нийт таамаглаж буй. Мөн тун удахгүй А зэрэглэлийн эрэгтэй алдартны секс бичлэг цацагдаж магадгүй гэх яриа гараад байгаа бөгөөд олон нийт энэ хүнийг Жастин Бибер байж магадгүй хэмээн ярьсаар байна. 

Энэ бүх цуу яриа, болж буй үйл явдлыг үл тоон сайн аав, сайн нөхөр байхыг хичээж буй Жастин Бибер одоог хүртэл энэ тухай ямар нэгэн тайлбар мэдээлэл өгөөгүй байна.